З правага боку ад уваходу у касцёл на сцяне ля алтарнай часткі змешчана памятная табліца. Яна сведчыць аб тым, што святыня пабудавана пробашчам Мёрскім ксяндзом Юзафам Бародзічам на ахвяры грамадскасці з дапамогай парафіян за адзін год. Касцёл узведзены на ўшанаванне Найсвяцейшай Панны Марыі з просьбай аб малітве 3 разы "Ойча наш", 3 разы "Вітай Марыя" і 3 разы "Вечны адпачынак дай ім Пане..." за душу Юзафа Бародзіча і ўсіх фундатараў касцёла, а таксама аб адпраўленні 16 жніўня Святой Імшы і адгаворванні малітвы "Анёл Панскі" за супакой душы ксяндза Юзафа і ўсіх афярадаўцаў. Святая Імша за Юзафа Бародзіча і ўсіх фундатараў касцёла была адпраўлена а 8-ай гадзіне.