WYSIWYG Web Builder
Рыма-каталіцкая парафія Унебаўзяцця Найсвяцейшай Панны Марыі ў Міёрах
Парафіяльныя аб'явы Літургічны каляндар Катэхеза Кантакты Відэаматэрыялы
Пілігрымка "Друя-Росіца"
31 ліпеня з Друі ў Росіцу вырушыла пілігрымка, якую ў чарговы раз арганізавалі айцы-марыяне. За тры дні пілігрымы пераадолеюць шлях амаль у 90 км каб ушанаваць росіцкіх пакутнікаў – бласлаўлёных Юрыя Кашыру і Антонія Ляшчэвіча, якія аддалі сваё жыццё з любові да Бога і бліжняга.
Вернікі з розных куточкаў Беларусі распачалі свой шлях з Друі, калыскі айцоў-марыянаў. Сярод пілігрымаў, а іх у гэтым годзе 101, шмат тых, хто ідзе ў пілігрымку не першы раз. Кіруе такой вялікай кагортай — а.Ілля Саўчанка МІС з Оршы, якому дапамагаюць яшчэ тры сабраты ў святарстве і дзве сястры эўхарысткі.

Пілігрымка — гэта не проста шлях, гэта малітва, спевы, разважанні. Пілігрымка з'яўляецца супольным сведчаннем веры ў Пана Бога і прыклад любові да бліжняга. Гэта таксама магчымасць перамяніць сябе, выйсці з "зоны камфорту", каб несці Хрыста тым, хто Яго патрабуе.
Пілігрымка з'яўляецца адной сям'ёй, дзе няма "Я", а толькі "МЫ", як супольнасць, як Божыя дзеці, як браты і сёстры ў Хрысце. Да гэтай сям'і далучаюцца таксама і тыя, хто вітае, частуе, прымае пілігрымаў на начлег, таму пілігрымы заўсёды з удзячнасцю моляцца за сваіх дабрадзеяў.

Хай усемагутны Бог адудзячыць усім вернікам друйскай, ідолтаўскай, мёрскай, павяцкай, верхнядзвінскай і іншых парафій за тое, што ад шчырага сэрца штогод прымаюць пілігрымаў на іх шляху.

Жанна Закрэўская

31.07.2024
Рыма-каталіцкая парафія Унебаўзяцця Найсвяцейшай Панны Марыі
Адрас для карэспандэнцыі:

вул. Паштовая, д.11,
211287 г. Міёры
Віцебская вобласць
Тэлефон: +375 (2152) 41836
е-mail:kascelmery@gmail.com
Выкарыстанне матэрыялаў дазваляецца пры ўмове спасылкі (гiперспасылкi) на kascelmery.by