WYSIWYG Web Builder
Рыма-каталіцкая парафія Унебаўзяцця Найсвяцейшай Панны Марыі ў Міёрах
Парафіяльныя аб'явы Літургічны каляндар Катэхеза Кантакты Відэаматэрыялы
Папа зацвердзіў змену пастыра Гродзенскай дыяцэзіі
30 верасня Папа Францішак прыняў адстаўку біскупа Гродзенскага Аляксандра Кашкевіча ў сувязі з дасягненнем іерархам 75-годдзя. Як паведаміла ў гэты дзень Апостальская нунцыятура ў Мінску, новым біскупам Гродзенскім стаў біскуп Уладзімір Гуляй, да гэтага часу каад’ютар Гродзенскай дыяцэзіі.
“Апостальская нунцыятура ў Рэспубліцы Беларусь паведамляе, што Святы Айцец Францішак прыняў адмову ад пасады дыяцэзіяльнага біскупа Гродзенскай дыяцэзіі Яго Эксцэленцыі Аляксандра Кашкевіча ў сувязі з дасягненнем 75-гадовага ўзросту. Яго наступнікам на гэтай пасадзе становіцца Яго Эксцэленцыя біскуп-каад’ютар Уладзімір Гуляй”, – гаворыцца ў афіцыйным паведамленні нунцыятуры.

Біскуп Аляксандр Кашкевіч узначальваў Гродзенскую дыяцэзію з пачатку яе існавання. Папа Ян Павел ІІ прызначыў яго на гэтую пасаду 13 красавіка 1991 г.

Біскупскае пасвячэнне яму ўдзяліў 23 мая 1991 г. у гродзенскім катэдральным касцёле св. Францішка Ксаверыя арцыбіскуп Тадэвуш Кандрусевіч, якому асіставалі арцыбіскуп Эдвард Кісель з Беластока (Польшча) і біскуп Юозас Прэйкшас з Панявежыса (Літва). У той жа дзень адбыўся ўрачысты інгрэс новага біскупа на гродзенскую катэдру.

Біскупскі дэвіз іерарха – “Jesu in Te confido” (“Езу, давяраю Табе”).

Grodnensis.by
Рыма-каталіцкая парафія Унебаўзяцця Найсвяцейшай Панны Марыі
Адрас для карэспандэнцыі:

вул. Паштовая, д.11,
211287 г. Міёры
Віцебская вобласць
Тэлефон: +375 (2152) 41836
е-mail:kascelmery@gmail.com
Выкарыстанне матэрыялаў дазваляецца пры ўмове спасылкі (гiперспасылкi) на kascelmery.by