Казанне да вернікаў прамовіў канцлер Віцебскай дыяцэзіі ксёндз канонік Віктар Місевіч, які засяродзіў увагу на таямніцы Святой Тройцы. Святар заўважыў: "У прыродзе шмат ёсць таямніцаў, якія мы не можам зразумець і растлумачыць, а што казаць пра таямніцу Божую.
<...> Святы Кірыл Ерузалімскі казаў так: "Сапраўды, Пана Бога зразумець складана, а для чалавека немагчыма. Гэта так, як убачыўшы рэчку, мы ўсведамляем, што выпіць яе не можам, але здольныя наталіць смагу. Калі мы бачым вялікі сад, то мы не можам спажыць усю садавіну, але можам насыціцца настолькі, каб нам не хацелася есці. Калі мы бачым сонца: вялікае, яркае і спякотнае, то не можам глядзець на яго без акуляраў, але калі будзем прымаць сонечныя ванны, атрымаем зарад энергіі і карысць для арганізма. Падобнае і з Панам Богам. Мы не можам агарнуць яго сваім розумам, але калі мы маем з ім еднасць, маем з ім кантакт, ён можа наталіць нас удосталь, калі сам ужо больш нічога не хочаш."
Разважаючы над таямніцай Святой Тройцы, ксёндз Віктар Місевіч адзначыў: "Бог ёсць Любоў і калі мы хочам трапіць у супольнасць дзяцей Божых, мы павінны жыць тут на зямлі ў любові. <...> Пагэтаму прыходзячы сёння ў касцёл мы памятаем не толькі пра нашы малітвы, пра сакрамант споведзі, што вельмі важна, але і пра заўтрашні дзень. Якімі мы будзем на працы, што скажа людзям, якіх сустрэнем і г.д."
"<...> Тут на зямлі мы маем з вамі заданне жыць так, каб нашае сэрца стала падобным да Хрыста" — падсумаваў ксёндз Віктар.
