Рымска-каталіцкая парафія Унебаўзяцця Найсвяцейшай Панны Марыі ў Міёрах
Парафіяльныя аб'явы Літургічны каляндар Катэхеза Кантакты Відэаматэрыялы
18 кастрычніка прайшла малітоўная акцыя “Мільён дзяцей моліцца на Ружанцы”
Упершыню малітоўнае чуванне дзяцей адбылося ў 2005 годзе ў сталіцы Венесуэлы Каракасе. У Беларусі акцыя па ініцыятыве Дабрачыннай Мiсiі Добрага Самаранiна пад апекай Святой Уршулi Ледухоўскай праводзіцца з 2020 года і сёлета ўжо ў чацвёрты раз аб’яднала дзяцей нашай краіны ў супольнай малітве.
З 2021 года ў сусветнай малітоўнай акцыі прымаюць удзел дзеці нашай парафіі. Сёлета малітоўнае чуванне адбылося перад святой Імшой а 18-ай гадзіне. Пад кіраўніцтвам катэхеткі Наталлі Гарноўскай, дзеці перад Найсвяцейшым Сакрамантам памаліліся аб міры і еднасці ва ўсім свеце, а таксама за нашу краіну, парафію, сем'і.

А 18-ай гадзіне адбылася малітоўная акцыя «Мільён дзяцей моліцца на Ружанцы» у Беларусі. Прамая трансляцыя і тэлемост на партале Catholic.by злучыў пяць парафій з розных дыяцэзій: Мінск, Гродна, Гомель, Магілёў і Браслаў, які ў гэтым годзе прадстаўляў Віцебскую дыяцэзію.

Мільён дзяцей моліцца на Ружанцы — гэта сусветная ініцыятыва, арганізаваная Папскім фондам «Дапамога Касцёлу ў патрэбе». Галоўная мэта гэтай малітоўнай кампаніі — паказаць, што даверлівая малітва дзяцей можа ўзносіцца проста да Бога і такім чынам змяняць свет. Дата правядзення акцыя абраная нездарма. Традыцыйна, кастрычнік з’яўляецца месяцам Ружанца. Акрамя гэтага, 18 кастрычніка адзначаецца свята святога Лукі, Евангеліста, які распавёў нам гісторыю дзяцінства Езуса і, паводле традыцыі, лічыцца асобай, блізкай да Маці Божай.
Жанна Закрэўская
Рыма-каталіцкая парафія Унебаўзяцця Найсвяцейшай Панны Марыі
Адрас для карэспандэнцыі:

вул. Паштовая, д.11,
211287 г. Міёры
Віцебская вобласць
Тэлефон: +375 (2152) 41836
е-mail:kascelmery@gmail.com
Выкарыстанне матэрыялаў дазваляецца пры ўмове спасылкі (гiперспасылкi) на kascelmery.by