WYSIWYG Web Builder
Рымска-каталіцкая парафія Унебаўзяцця Найсвяцейшай Панны Марыі ў Міёрах
Парафіяльныя аб'явы Літургічны каляндар Катэхеза Відэаматэрыялы Кантакты
Папа Францішак: развітанне і пахаванне
Пахаванне Папы Францішка адбудзецца 26 красавіка 2025 года. Літургія распачнецца а 10-ай гадзіне па цэнтральнаеўрапейскім часе (а 11-ай па мінскім часе) на плошчы перад Базілікай Святога Пятра.
Папа Францішак адышоў у вечнасць
21 красавіка 2025 года ў 7.35 раніцы Папа Францішак адышоў у вечнасць. Пра яго смерць паведаміў кардынал Кэвін Фарэл, які падкрэсліў, што ўсё жыццё Святога Айца было прысвечана служэнню Богу, Касцёлу і асабліва найбяднейшым.
Пасхальная вігілія ў Святую ноч
З наступленнем цемры ў Вялікую суботу ў нашай святыні прайшла самая галоўная хрысціянская літургія на працягу года — Пасхальная вігілія ў Святую ноч. Паводле найстаражытнейшай традыцыі ў гэтую ноч, калі Хрыстус уваскрос з памерлых, адбываецца чуванне, што ў перакладзе з лацінскай мовы і азначае слова «вігілія».
Віншаванне біскупа Алега Буткевіча
Біскуп Віцебскі Алег Буткевіч кіруе словы віншаванняў на Вялікдзень 2025 года.
Са святам Вялікадня!
Віншаванні і пажаданні шматлікіх ласк ад Бога з нагоды Пасхальных святаў скіроўваюць пробашч парафіі ксёндз Андрэй Кулік і святары Міёрскага дэканату.
Вялікая субота
Вялікая субота — гэта дзень, калі ўвесь Хрыстовы Касцёл прабывае ў жалобе і святым маўчанні перад грабніцай свайго Пана і Збаўцы Езуса Хрыста. На працягу ўсяго гэтага дня вернікі прыходзяць у касцёл, каб у малітоўнай цішыні пабыць сам-насам з Езусам у грабніцы.
Вялікая пятніца
У Вялікую пятніцу не цэлебруецца святая Імша, а адбываецца набажэнства, якое мае назву літургія Мукі Пана. У гэты дзень Першасвятар нашага збаўлення Хрыстус, паміраючы на крыжы, прынёс на ім крывавую ахвяру ўміласціўлення Нябеснаму Айцу за грахі ўсіх людзей, таму ў гэты дзень асаблівым чынам мы ўшаноўваем Крыж.
Вялікі чацвер
У Вялікі чацвер Імшою Вячэры Пана распачаўся Святы Пасхальны Трыдуум. З самой назвы бачна, што ў гэтай літургічнай цэлебрацыі ўспамінаецца Апошняя Вячэра, падчас якой Хрыстус устанавіў сакраманты Эўхарыстыі і Святарства, даючы вучням наказ аб братняй любові.
"Не вы Мяне выбралі, але Я  выбраў вас і прызначыў, каб вы ішлі і прыносілі плён..." (Ян 15,16)
Вялікі чацвер – дзень устанаўлення сакрамантаў Эўхарыстыі і святарства. Гэта важны дзень у жыцці не толькі Касцёла, але і кожнага чалавека індывідуальна: кожнага святара і кожнага верніка. З гэтай нагоды хочам падзякаваць усім нашых святарам за іх служэнне, якое выконваюць, і слова, якое абвяшчаюць.
Святы Пасхальны Трыдуум
Велікодны або Пасхальны Трыдуум — гэта трохдзённыя набажэнствы на ўспамін пакутаў, смерці і ўваскрасення Хрыста, якія распачынаюцца ўвечары ў Вялікі чацвер і завяршаюцца ў Велікодную нядзелю. Трыдуум — гэта ўрачыстае адзначэнне падзеяў, з якіх складаецца сутнасць нашай веры.
Бласлаўлёны той, хто прыходзіць у Імя Пана...
13 красавіка Пальмовай нядзеляй распачалі самы важны і ўрачысты перыяд у літургічным годзе – Вялікі тыдзень, які ўводзіць нас у настрой пасхальных святаў. Касцёл заклікае не абмяжоўваць сябе толькі радасным размахваннем пальмамі і воклічамі: "Гасанна! Бласлаўлёны той, хто прыходзіць у Імя Пана”, – але паказвае шлях яшчэ далей, да Вячэрніка, дзе “хлеб, які сышоў з неба”.
Найважнейшы тыдзень у годзе. Як яго перажыць?
Вялікі Тыдзень, што распачынаецца ў Пальмовую нядзелю, – гэта час, калі мы павінны адкрыцца на Божую любоў і міласэрнасць. Перажыванне мук, смерці і ўваскрасення Езуса – па сутнасці, яскравае ўсведамленне таго, як моцна Усемагутны нас любіць і як моцна прагне, каб мы на Яго любоў адказвалі ўзаемнасцю.
Нашу святыню ўпрыгожыў вітраж святога Яна Хрысціцеля
11 красавіка ў нашай святыні завершаны работы па ўсталяванні чарговага вітража, які прысвечаны Яну Хрысціцелю. Сімвалічна, што вітраж, на якім Прадвеснік Ян абвяшчае вялікую праўду веры: Еcce Аgnus Dei — Вось Ягнё Божае (Ян 1, 29), з'явіўся напярэдадні свята Уваскрасення Пана.
7 пытанняў пра Літургію Пальмовай нядзелі
13 красавіка з успаміну ўрачыстага ўваходу Езуса Хрыста ў Ерузалем распачынаецца Вялікі тыдзень. У гэты дзень нас чакаюць працяглыя набажэнствы ў суправаджэнні адмысловых абрадаў. Каб падрыхтавацца да нядзельнага свята прапануем кароткі агляд традыцый Пальмовай (Вербнай) нядзелі.
3 красавіка 33 года — дзень смерці Езуса з Назарэта
У Вялікую пятніцу будзем адзначаць літургічны ўспамін смерці, якая прынесла збаўленне ўсяму чалавецтву. А сёння, напэўна, гістарычная гадавіна. Верагодна, датай смерці Езуса з’яўляецца 3 красавіка 33 года.
Адкрыць сэрца Пану
З 30 сакавіка па 1 красавіка ў нашай парафіі адбыліся велікапосныя рэкалекцыі, якія правёў айцец Анджэй Ядкоўскі CSsR, пробашч парафіі Найсвяцейшага Адкупіцеля ў Гродне (Дзевятоўка). Падчас духоўных разважанняў святар заахвоціў адкрыць сэрцы Пану, каб Ён дапамог нам стаць шчаслівымі.
30.03.-01.04.2025
Рымска-каталіцкая парафія Унебаўзяцця Найсвяцейшай Панны Марыі
Адрас для карэспандэнцыі:

вул. Паштовая, д.11,
211287 г. Міёры
Віцебская вобласць
Тэлефон: +375 (2152) 41836
е-mail:kascelmery@gmail.com
Выкарыстанне матэрыялаў дазваляецца пры ўмове спасылкі (гiперспасылкi) на kascelmery.by