WYSIWYG Web Builder
Рымска-каталіцкая парафія Унебаўзяцця Найсвяцейшай Панны Марыі ў Міёрах
Парафіяльныя аб'явы Літургічны каляндар Катэхеза Відэаматэрыялы Кантакты
Маці Божая Шкаплерная
16 ліпеня ў Каталіцкім Касцёле адзначаем успамін Найсвяцейшай Панны Марыі з Гары Кармэль, якую традыцыйна называюць таксама Маці Божай Шкаплернай. Гісторыя свята сягае ў 1251 год, калі на гары Кармэль у Палестыне генералу ордэна кармэлітаў Сымону Стоку аб'явілася Маці Божая.
Марыяне запрашаюць у пешую пілігрымку з Друі ў Росіцу
Айцы марыяне запрашаюць усіх жадаючых далучыцца да пілігрымкі Друя-Росіца, якая адбудзецца з 30 ліпеня па 1 жніўня. Росіцкія ўрачыстасці сёлета пройдуць 1-2 жніўня.
У Сялібе Беззаганнай упершыню адбыліся рэкалекцыі для моладзі 
З 8 па 11 ліпеня ў Удзеле прайшлі рэкалекцыі для чальцоў Эўхарыстычнага руху маладых. Месцам іх правядзення стаў Дом Марыі, які быў урачыста адчынены 3 мая гэтага года. Рэкалекцыі для моладзі сталі першымі, якія адбыліся ў новапабудаванай Сялібе Беззаганнай.
Урачыстасці ў Будславе
Будслаўскі фэст распачаўся 4 ліпеня а 18-ай гадзіне святой Імшой для пілігрымаў, якую цэлебраваў біскуп Андрэй Зноска, дапаможны бiскуп Пінскай дыяцэзіі, а завяршыўся 5 ліпеня прысвячэннем Мінска-Магілёўскай мітраполіі, якая тэрытарыяльна ахоплівае ўсю Беларусь, Беззаганнаму Сэрцу Марыі і Божай Міласэрнасці.
Будслаў вітаў пілігрымаў
4 і 5 ліпеня ў Нацыянальным санктуарыі Маці Божай Будслаўскай прайшлі ўрачыстасці пад дэвізам «Міласэрнасць Божая — давяраем Табе». Сёлета ў Будслаў пешкі і на роварах прыбылі 2484 пілігрымы. Шырокая малітоўная праграма спрыяла глыбокаму духоўнаму перажыванню свята. 
Цудадзейны абраз Маці Божай Будслаўскай
2 ліпеня ўрачыстасць Маці Божай Будслаўскай. У апошнія гады галоўныя ўрачыстасці ў Нацыянальным санктуарыі адбываюцца ў першую суботу ліпеня і распачынаюцца ўжо напярэдадні. Прапануем пазнаёміцца з гісторыяй цудадзейнага абраза, які штогод прыцягвае да сябе тысячы пілігрымаў.
Ліпень — месяц асаблівай малітвы. А якой?
Май, як вядома, прысвечаны Панне Марыі, чэрвень — Найсвяцейшаму Сэрцу Езуса. Месяц ліпень у Каталіцкім Касцёле традыцыйна прысвечаны набажэнству да Найдаражэйшай Крыві Хрыста, якое грунтуецца на Святым Пісанні.
Віцебскі Карытас падарыў каляску з электрарухавіком падлетку з ДЦП
Дабрачынная каталіцкая місія Карытас Віцебскай дыяцэзіі арганізавала збор сродкаў на працягу Вялікага посту для пакупкі каляскі Крысціне, у якой — ДЦП. На заклік Карытас адгукнулася 30 парафій дыяцэзіі. Дзеці і дарослыя з каталіцкіх парафій Віцебшчыны, у тым ліку і мёрскія вернікі, складалі ахвяраванні на гэтую дабрачынную мэту.
Пілігрымка "Росіца-Будслаў 2025"
27 чэрвеня з Росіцы вырушыла першая пешая пілігрымка з Віцебскай дыяцэзіі да Маці Божай Будслаўскай. Арганізатары васьмідзённай пілігрымкі айцы марыяне, а яе духоўным кіраўніком з'яўляецца айцец Аляксандр Жарнасек МІС з Росіцы. 28 чэрвеня наша парафія прымала да сябе пілігрымаў.
Урачыстасць святых апосталаў Пятра і Паўла
29 чэрвеня Касцёл святкуе ўрачыстасць святых апосталаў Пятра і Паўла. Прыняўшы заклік абвяшчаць Евангелле ўсяму свету, яны прыклалі шмат намаганняў, каб данесці да як мага большай колькасці людзей праўду аб Уваскрослым і Жывым Хрысце. Сам апостал Павел сведчыць: “Пан стаў пры мне і ўмацаваў мяне, каб праз мяне здзейснілася прапаведаванне і каб пачулі ўсе язычнікі…” (2 Цім 4, 17). Разам з тым святыя Пётр і Павел былі людзьмі з рознымі жыццёвымі гісторыямі.
Урачыстасць Найсвяцейшага Сэрца Езуса
27 чэрвеня Каталіцкі Касцёл ушаноўвае Найсвяцейшае Сэрца Езуса Хрыста. Свята адзначаецца ў пятніцу, на восьмы дзень пасля ўрачыстасці Божага Цела і на дванаццаты пасля ўрачыстасці Найсвяцейшай Тройцы. Сэрца Езуса – гэта сімвал любові Бога да людзей, за якую мы прагнем дзякаваць.
Будслаў 2025: праграма ўрачыстасці
Сёлета Будслаўскі фэст пройдзе 4 і 5 ліпеня пад дэвізам: «Міласэрнасць Божая — давяраем Табе». Падчас урачыстасцяў у Нацыянальным санктуарыі ў Будславе адбудзецца прысвячэнне Мінска-Магілёўскай Мітраполіі, гэта значыць Касцёла ў Беларусі, Божай Міласэрнасці і Беззаганнаму Сэрцу Найсвяцейшай Панны Марыі.
Найбольшы сярод народжанных ад жанчыны...
24 чэрвеня Касцёл адзначае ўрачыстаць Нараджэння святога Яна Хрысціцеля. Постаць Яна Хрысціцеля, якога Езус назваў «найбольшым сярод народжаных ад жанчыны», знаходзіцца ў цэнтры гісторыі збаўлення дзякуючы асаблівай місіі гэтага святога быць папярэднікам Сына Божага на зямлі.
Божае Цела, укрытае ў алтарах
22 чэрвеня пасля святой Імшы а 13-ай гадзіне адбылася Эўхарыстычная працэсія вакол касцёла з нагоды ўрачыстасці Найсвяцейшага Цела і Крыві Езуса Хрыста, якую мы адзначалі ў мінулы чацвер. Уславіць Хлеб вечнага жыцця праз супольную малітву сабраліся шматлікія вернікі.
Урачыстасць Божага Цела і Эўхарыстыя
19 чэрвеня мы адзначаем урачыстасць Божага Цела. Адметнае гэта свята тым, што ў гэты дзень або ў бліжэйшую нядзелю адбываюцца эўхарыстычныя працэсіі да чатырох алтароў. Урачыстасць Цела і Крыві нашага Пана Езуса Хрыста — гэта добрая нагода паразважаць над Эўхарыстыяй.
Парафіяльная ўрачыстасць у Новым Пагосце
15 чэрвеня ў Новым Пагосце адбыўся парафіяльны адпуст у гонар Найсвяцейшай Тройцы, менавіта такі тытул мае святыня. На парафіяльную ўрачыстасць сабраліся не толькі мясцовыя вернікі, але таксама госці, найперш тыя, хто паходзіць з парафіі, аднак зараз жыве ў іншых месцах.
Рымска-каталіцкая парафія Унебаўзяцця Найсвяцейшай Панны Марыі
Адрас для карэспандэнцыі:

вул. Паштовая, д.11,
211287 г. Міёры
Віцебская вобласць
Тэлефон: +375 (2152) 41836
е-mail:kascelmery@gmail.com
Выкарыстанне матэрыялаў дазваляецца пры ўмове спасылкі (гiперспасылкi) на kascelmery.by