WYSIWYG Web Builder
Рымска-каталіцкая парафія Унебаўзяцця Найсвяцейшай Панны Марыі ў Міёрах
Парафіяльныя аб'явы Літургічны каляндар Катэхеза Відэаматэрыялы Кантакты
Запрашаем у пілігрымку па святынях Пастаўшчыны
5 жніўня плануецца аўтобусная пілігрымка, падчас якой будзе магчымасць убачыць і памаліцца ў касцёлах Пастаўскага краю. Храмы адметныя не толькі сваёй прыгожай архітэктурай і аздабленнем, але з'яўляюцца, найперш, святымі і намоленымі месцамі з глыбокай духоўнай спадчынай.
Таямнічы Бог
15 ліпеня Касцёл адзначае ўрачыстасць Найсвяцейшай Тройцы. Трыадзіны Бог з’яўляецца цудоўным і найдасканалейшым узорам стварэння і будавання міжасабовых адносін паміж людзьмі. Кожны год, перажываючы ўрачыстасць Найсвяцейшай Тройцы, мы дакранаемся да адной з такіх таямніц веры. 
Найсвяцейшая Панна Марыя. Маці Касцёла
У панядзелак пасля ўрачыстасці Спаслання Духа Святога ў літургічным календары Каталіцкага Касцёла адзначаецца ўспамін Найсвяцейшай Панны Марыі, Маці Касцёла. Тытул яго адносна нядаўні, хоць гэтай праўдзе навучаліся на працягу тысячагоддзяў.
Дыяканат — місія ў дарозе
8 чэрвеня ў нашай парафіі дыяканскую паслугу распачаў Андрэй Януль, які ў гэтым годзе скончыў вучобу ў Міждыяцэзіяльнай вышэйшай духоўнай семінарыі ў Гродне. 24 мая ў Глыбокім ён прыняў дыяканскія пасвячэнні з рук біскупа Алега Буткевіча.
Урачыстасць Спаслання Духа Святога
8 чэрвеня Касцёл адзначае ўрачыстасць Спаслання Духа Святога. Спасланне Духа Святога — адно з самых значных святаў хрысціянства, бо гэта — дзень нараджэння Касцёла, містычнага Цела Хрыста. Хрыстус — галава Касцёла, а Дух Святы — яго душа, як адзначыў папа Леў ХІІІ.
Спосабы ўшанавання Найсвяцейшага Сэрца Езуса
У чэрвені скіроўваемся да Найсвяцейшага Сэрца Езуса, зноў асэнсоўваючы, што любоў з’яўляецца каштоўнай і жыватворнай. І вось сцежкі, якімі варта хадзіць, каб паняцце сапраўднай любові ў нашай свядомасці не пахіснулася.
Ксёндз Алег Зямчонак завяршыў служэнне ў нашай парафіі
29 мая ва ўрачыстасць Унебаўшэсця Пана пасля святой Імшы а 18-ай гадзіне адбылося развітанне з ксяндзом Алегам Зямчонкам, які завяршыў душпастырскае служэнне ў Мёрскай парафіі. Святар выконваў абавязкі вікарыя з верасня 2023 года і за гэты час набыў станоўчы аўтарытэт сярод вернікаў.
Навэнна да Духа Святога
30 мая распачынаем Навэнну, або дзевяцідзённае набажэнства да Духа Святога, якое бярэ свой пачатак у малітоўным чаканні Апосталамі спаслання абяцанага Езусам Суцяшыцеля (пар. Дз 2, 1–4). Пасля ўнебаўшэсця Пана Апосталы вярнуліся ў Ерузалем і на працягу дзевяці дзён сумесна трывалі ў малітве разам з Марыяй, жанчынамі і вучнямі Пана (пар. Дз 1, 12–14).
Неба – наша айчына. Урачыстасць Унебаўшэсця Пана
29 мая Касцёл адзначае ўрачыстасць Унебаўшэсця Пана. Хрыстус пасля свайго ўваскрасення неаднаразова аб’яўляўся вучням, а на саракавы дзень на іх вачах узнёсся на неба з Аліўнай гары. Развітанне Езуса з вучнямі, якое адбылося ў дзень Яго ўнебаўшэсця, нагадвае пра многія развітанні, якія перажывае кожны чалавек у сваім жыцці.
Пасвячэнне дыяканату адбылося ў Глыбокім
Суботні дзень, прысвечаны ўспаміну Божай Маці, Апякункі вернікаў і ўсіх хрысціян, стаў у нейкім сэнсе ўнікальным для Каталіцкага Касцёла на Беларусі. 24 мая 2025 года ў парафіі Святой Тройцы адбылося пасвячэнне ў дыяканы чатырох кандыдатаў: семінарыстаў рыма-католікаў Антона Тышко і Андрэя Януля, а таксама семінарыстаў візантыйскага абраду Арцёма Калугіна і Валерыя Гаўрута.
Кардынал Паралін удзяліў біскупскую сакру нунцыю ў Беларусі
22 мая 2025 года мансеньёр Іньяцыа Чэфаліа, Апостальскі нунцый у Беларусі, атрымаў біскупскае пасвячэнне. Сакрамэнт яму ўдзяліў у Базіліцы Святога Пятра ў Ватыкане кардынал-дзяржсакратар П’етра Паралін.
У Ватыкане прайшла ўрачыстая інаўгурацыя пантыфікату Льва XIV
Каля 250 тысяч вернікаў з усяго свету, прадстаўнікі больш як 150 дзяржаў, дэлегацыі розных хрысціянскіх канфесій і рэлігій сабраліся на Плошчы Святога Пятра ў Ватыкане 18 мая 2025 года з нагоды ўрачыстай інаўгурацыі пантыфікату Льва XIV.
Першая святая Камунія
18 мая ў нашай парафіі адбылася ўрачыстая падзея. 26 дзяцей упершыню прынялі Цела Хрыста ў свае чыстыя, поўныя веры сэрцы. Першая Камунія з’яўляецца першым, святочным і свядомым актам спажывання Пана Езуса падчас Сакраманту Эўхарыстыі, які пад выглядам хлеба і віна прысутнічае сярод нас.
Святы Андрэй Баболя, святар і мучанік
16 мая Каталіцкі Касцёл узгадвае святога Андрэя Баболю – святара і мучаніка, у чыім жыцці яркім святлом заззяла “каталіцкая вера, сіла якой, падмацаваная Божаю ласкаю, з цягам гадоў вырасла настолькі, што стала яго характэрнаю рысаю і нопоўніла яго мужнасцю аж да мучаніцкай смерці” (Пій ХІІ, Invictiathletae  Christi).
Свята Маці Божай Фацімскскай
108 гадоў назад 13 мая 1917 года непадалёк ад маленькай партугальскай вёскі Фаціма тром маленькім пастушкам Люцыі, Жасінце і Францішку з’явілася Маці Божая. Панна Марыя аб’яўлялася дзецям кожны 13 дзень месяца на працягу паўгода. Праз дзяцей Божая Маці накіравала пасланне свету, прадказала гісторыю чалавецтва ў ХХ стагоддзі, пераслед касцёла, яго адраджэнне. 
Срэбны юбілей святарства
13 мая срэбны юбілей святарства адзначае ардынарый Віцебскай дыяцэзіі біскуп Алег Буткевіч. Прэзбітарскія пасвячэнні ў катэдральным касцёле св. Барбары ў Віцебску ў маі 2000 года былі першымі ў гісторыі маладой дыяцэзіі. Святарскія пасвячэнні ў той дзень атрымалі пяць дыяканаў.
Рымска-каталіцкая парафія Унебаўзяцця Найсвяцейшай Панны Марыі
Адрас для карэспандэнцыі:

вул. Паштовая, д.11,
211287 г. Міёры
Віцебская вобласць
Тэлефон: +375 (2152) 41836
е-mail:kascelmery@gmail.com
Выкарыстанне матэрыялаў дазваляецца пры ўмове спасылкі (гiперспасылкi) на kascelmery.by