Далучыліся да сусветнага мастацтва
25 чэрвеня а 14-ай гадзіне ў нашай святыні ў рамках рэспубліканскага фестывалю акадэмічнай арганнай музыкі “Ars Magna Organi” (Вялікае мастацтва аргана) адбыўся канцэрт. Сваім майстэрствам ігры на аргане перад слухачамі падзялілася мінчанка Лізавета Марозава.
У яе выкананні прагучалі творы І.С.Баха, Ф.Мендэльсон-Бартольдзі, Л.Баэльмана, С.Франка, М.Рэгера. Фуга і таката, прылюдыя і інтрадукцыя — майстар арганнай музыкі змагла задаволіць музычны густ слухачоў. З захапленнем вернікі рознага ўзросту ўслуховаліся ў гукі роднага аргана, які па-новаму раскрыў свой патэнцыял.
Музычныя творы сусветнага мастацтва так узрушылі слухачоў, што яны дарылі шчодрыя апрадысменты за кожную кампазіцыю. Пасля канцэрта моладзь парафіі выказала словы ўдзячнасці Лізавеце Марозавай за яе цудоўнае выступленне і ўручыла кветкі і падарункі.

Жанна Закрэўская
Рыма-каталіцкая парафія Унебаўзяцця Найсвяцейшай Панны Марыі
Адрас для карэспандэнцыі:

вул. Паштовая, д.11,
211287 г. Міёры
Віцебская вобласць
Тэлефон: +375 (2152) 41836
е-mail:
kascelmery@gmail.com
Выкарыстанне матэрыялаў дазваляецца пры ўмове спасылкі (гiперспасылкi) на kascelmery.by