Будслаў вітаў пілігрымаў

Парафіяльныя аб'явы Літургічны каляндар Катэхеза Кантакты Відэаматэрыялы

Будслаў вітаў пілігрымаў

3 і 4 ліпеня ў Нацыянальным санктуарыі Маці Божай Будслаўскай прайшлі ўрачыстасці пад дэвізам: ««Богу хвала — Марыі давер — Касцёлу вернасць». Сёлета ў Будслаў прыбыло 2680 пілігрымаў, каб даць сваё сведчанне веры і праславіць Маці Божую.

Сустрэча пілігрымаў — гэта вельмі прыгожая і запамінальная падзея. Кожная пілігрымка рыхтуе харугвы, сцяжкі, адмысловыя атрыбуты адзення: шалікі, хусцінкі, цішоткі са сваімі эмблемамі і лагатыпамі і, вядома ж, прыгожыя спевы, каб паказаць сваю еднасць і адметнасць.

Пілігрымаў ля ўваходу ў святыню, разам з дапаможным біскупам Мінска-Магілёўскай архідыяцэзіі Юрыем Касабуцкім, сустракаў і вітаў пробашч парафіі ў Будславе і кусташ Нацыянальнага санктуарыя ксёндз канонік Аляксей Раманчук.

Першай у Нацыянальны санктуарый прыйшла пілігрымка з Ліды (Гродзенская дыяцэзія), якую ўзначаліў біскуп Гродзенскі Уладзімір Гуляй. 101 пілігрым за 9 дзён прайшоў адлегласць у 250 кіламетраў.

Самымі вялікімі ў гэтым годзе былі пілігрымкі з Мінска пад кіраўніцтвам айцоў хрыстусоўцаў (379 чалавекі за 5 дзён прайшлі 123 км) і з Маладзечна пад кіраўніцтвам айцоў францішканаў (340 чалавек пераадолела 125 км за 5 дзён). Дарэчы, у пілігрымцы "Мінск-Будслаў" быў самы маленькі пілігрым сёлетняга фэсту — хлопчык, якому ўсяго 26 дзён. Найбольшую адлегласць — 293 км за 9 дзён прайшлі 115 пілігрымаў з Баранавічаў. У дваццаць пяты раз ішла да Маці Божай моладзевая евангелізацыйная пілігрымка са Смаргоні, пад кіраўніцтвам айцоў салезіянаў, якая складалася выключна з маладых людзей (146 чалавек, 105 км, 6 дзён).

Адметнымі сталі таксама пакутная пілігрымка пад кіраўніцтвам ксяндза каноніка Уладзіслава Завальнюка з Мінска (30 чалавек, 130 км за 5 дзён), першая пілігрымка з Далгінава на монаколах (15 чалавек праехалі 20 км), аднадзённая сямейная пілігрымка з Пузыроў (325 удзельнікаў пераадолелі 15 км). ыклікалі

Адметнымі сталі посная пакутная пілігрымка пад кіраўніцтвам ксяндза каноніка Уладзіслава Завальнюка з Мінска (30 чалавек, 130 км за 5 дзён), першая пілігрымка з Далгінава на монаколах (15 чалавек праехалі 20 км), аднадзённая сямейная пілігрымка з Пузыроў (325 удзельнікаў, 15 км).

З Віцебскай дыяцэзіі прыйшло 6 пілігрымак. Самай вялікай была пілігрымка, якая ішла з Паставаў. У складзе гэтай пілігрымкі таксама былі вернікі з іншых парафій, дзе працуюць айцы сэрцане: з Шаркаўшчыны, Варапаева. 212 чалавек за 3 дні пераадолелі 77 км. Самая працяглая па адлегласці была пілігрымка з Віцебска — 240 км за 7 дзён прайшлі 67 пілігрымаў, сярод іх ардынарый Віцебскай дыяцэзіі біскуп Алег Буткевіч. Самая доўгай па часе стала пілігрымка з Росіцы: 8 дзён, 235 км, 42 чалавекі. Да Маці Божай крочылі таксама пілігрымкі з Браслава, Глыбокага і Полацка.

У кожнай пілігрымцы былі людзі рознага ўзросту, шмат дзяцей і моладзі. Найменшыя пілігрымы прыйшлі з Глыбокага, а самы доўгі шлях сярод дзяцей у 160 км пераадолела сямігадовая дзяўчынка з Браслава.

Многія пілігрымкі мелі не толькі свой адмысловы колер: францішканская — карычневы, сэрцанская — чырвоны, марыянская — блакітны, сальватарыянская — жоўты і інш., але і сваю духоўную адметнасць. Кожны, хто жадаў прыйсці да Маці Божай у складзе пілігрымкі, мог знайсці для сябе найбольш прыдатны варыянт.

Удзельнікамі пілігрымак сталі не толькі беларусы, але і вернікі якія паходзяць з Эквадора, Парагвая, Гандураса, Індыі, Расіі, Польшчы, Венгрыі і іншых краін. Сабрала разам іх Маці Божая. Радасць сустрэчы з ёй панавала на кожным твары. Менавіта ўсмешка і шчырая радасць з'яўляецца візітоўкай не толькі Будслаўскага фэсту, але і кожнага пілігрыма.

Святая Імша для пілігрымаў на палявым алтары працягнула праграму ўрачыстасцяў у Будславе.

Жанна Закрэўская

04.07.2026