"Дазвольце дзецям прыходзіць да Мяне" (Мк 10,14)

Парафіяльныя аб'явы Літургічны каляндар Катэхеза Кантакты Відэаматэрыялы

"Дазвольце дзецям прыходзіць да Мяне" (Мк 10,14)

2 ліпеня ў свята Найсвяцейшай Панны Марыі Будслаўскай на святой Імшы а 10-ай гадзіне быў удзелены сакрамант хросту. Да парафіяльнай супольнасці далучылася яшчэ адно маленькае дзіця, якое з ласкі Божай, праз сакрамант хросту, вызвалілася ад першароднага граху каб далей узрастаць як Божае дзіця.

У гаміліі пробашч парафіі ксёндз Андрэй Кулік адзначыў, што сакрамант хросту — гэта адзін з сакрамантаў хрысціянскай сталасці, які неабходны для збаўлення. Асноўным заданнем касцёла з'яўляецца абвяшчэнне Божага слова, удяленне хросту і іншых святых сакрамантаў. Перад сваім унебаўшэсцем Езус сказаў: «Дык ідзіце і навучайце ўсе народы, і хрысціце іх у імя Айца і Сына, і Духа Святога» (Мц 28, 19).

Мы ведаем, што кожны чалавек прыходзіць на гэты свет з першародным грахом — спадчынай непаслухмянасці Богу Адама і Евы. У сакраманце хросту Бог прымае чалавека, як свайго сына ці дачку. Праз смерць і ўваскрашэнне Езуса Хрыста сакрамант хросту і іншыя сакраманты сталі магчымымі ў Касцёле. Гэта бачныя знакі нябачнай Божай ласкі. Праз сакрамант хросту мы становімся ўсвядомленымі дзецьмі Божымі. Як Божыя дзеці мы маем свае правы і абавязкі перад Богам Айцом і перад супольнасцю Касцёла.

Нашым правам з'яўляецца атрыманне таго, што абяцаў Бог: "Хто паверыць і ахрысціцца, будзе збаўлены..." (Мк 16, 16) Дарослы чалавек прымае сакрамант хросту свядома, паводле сваёй веры, дзіця ж прымае гэты сакрамант у веры бацькоў. Хрост дапамагае дзіцяці ўзрастаць у Божай ласцы.

Усынаўленне Бога і прыналежнасць да Касцёла, у якім Пан Бог абяцае збаўленне праз святыя сакраманты, не толькі праз хрост, але і праз рэгулярную споведзь, якой можам скарыстацца, сакрамант Эўхарыстыі і іншыя сакраманты, якія прымаем па меры нашага ўзрастання і патрэбы ў жыцці — усё гэта тыя дары, якія з'яўляюцца часткай нашага жыцця. Хочам імі рэгулярна карыстацца, хочам таксама вучыць сваіх дзяцей, каб яны разумелі патрэбу спаткання з Панам Богам у штодзённай малітве і праз святыя сакраманты.

Жанна Закрэўская
02.07.2023