Хлопчыкі-блізняты прынялі сакрамант хросту
Важная падзея для нашай парафіяльнай супольнасці адбылася 19 жніўня. На святой Імшы а 8-ай гадзіне братам-блізнятам Андрэю і Сцяпану быў удзелены сакрамант хросту.  Хрост — гэта першы з сямі сакрамнтаў, без якога немагчымыя ўсе астатнія. Праз святы хрост Пан ачышчае ад заганы першароднага граху і ўдзяляе надпрыродны дар Божай асвятальнай ласкі.
Праз хрост людзі далучаюцца да супольнасці Божага народу — Касцёла. Сакрамант хросту вельмі прыгожы ў сваёй цэлебрацыі, дзе кожны этап мае сваё значэнне. Знак крыжа, малітва экзарцызму, вызнанне веры, вада, намашчэнне алеем, белае адзенне і запаленая ад пасхала свечка — усё гэта важныя сімвалы, якія неабходныя каб стаць дзецьмі Божымі.
Хрост — гэта толькі пачатак, фундамент, які патрабуе далейшага развіцця, брама пераходу да таямніцы хрысціянскай веры і да жыцця паводле прынятай веры. Клапаціцца пра гэта — абавязак бацькоў, хросных і саміх ахрышчаных.

Жанна Закрэўская
19.08.2023
Рыма-каталіцкая парафія Унебаўзяцця Найсвяцейшай Панны Марыі
Адрас для карэспандэнцыі:

вул. Паштовая, д.11,
211287 г. Міёры
Віцебская вобласць
Тэлефон: +375 (2152) 41836
е-mail:
kascelmery@gmail.com
Выкарыстанне матэрыялаў дазваляецца пры ўмове спасылкі (гiперспасылкi) на kascelmery.by