Праз браму хросту да сапраўнага католіка
8 верасня, у свята Нараджэння Найсвяцейшай Панны Марыі, у нашай святыні быў здейснены сакрамант хросту. Кожны хрост — гэта не толькі важная і радасная падзея для парафіяльнай супольнасці, але і магчымасць у чарговы раз задумацца, ці годна мы выкарыстоўваем цноты, якія атрымоўваем падчас прыняцця святых сакрамантаў, і ці з'яўляемся сапраўднымі католікамі?
Калі Вы думаеце пра сапраўднага католіка, што першае прыходзіць Вам на розум? Магчыма, хто-небудзь з тых, хто, як мінімум, штотыднёва наведвае святую Імшу, кожны дзень крыху моліцца, і калі-некалі чытае духоўную літаратуру.

Аднак, хто такі сапраўдны католік? Можа, нехта, хто прыслужвае на святой Імшы, ці спявае ў хоры, ці вучыць ў нядзельнай школе, ці належыць да пэўнай рэлігійнай арганізацыі, ці ўдзельнічае ў рэлігійных падзеях і святах; ці выконвае ўсё гэта адначасова? Гэта дакладнае апісанне? Вядома, так. Храмы не могуць функцыянаваць без прысвячэння часу і таленту цэлага шэрагу парафіян. І мы правільна кажам пра сапраўдную парафію, у якой праходзіць шмат парафіяльных мерапрыемстваў, дзе ўдзельнічае мноства людзей. Але пераважная большасць католікаў не бярэ, ды і не можа ўзяць на сябе ролі, якія былі апісаныя вышэй. Многія шмат гадзін працуюць, можа нават у некалькіх месцах адначасова, а таму не маюць шмат вольнага часу. Акрамя таго, ім трэба шмат энергіі і на тое, каб быць добрымі мужам ці жонкай, быць добрымі бацькамі.
Праз немагчымасць удзяляць большай колькасці часу парафіі, некаторыя католікі адчуваюць сябе менш важнымі. Ці можна быць сапраўдным католікам без удзелу ў парафіяльнай дзейнасці? Вядома, можна. Многія католікі не ведаюць, што ёсць цэлая катэгорыя непарафіяльных мерапрыемстваў, якія называюцца "апостальствам". Хто такі "апостал"? Гэта кожны хрысціянін, які нясе сваю веру ў звычайнае, паўсядзённае жыццё. Добры муж, жонка, бацька або маці, якія шмат працуць ў сваім сямейным пакліканні, з'яўляюцца апосталамі. Дворнік ў мясцовай школе, які з'яўляецца ўзорным хрысціянінам; лекар, які імкнецца прынесці хрысціянскую этыку ў сваю працу; медсястра, якая нясе любоў Хрыста да хворых пацыентаў; добры хрысціянскі адвакат, які прытрымліваецца высокіх этычных стандартаў; сацыяльных работнік, які бачыць Хрыста ў малазабяспечанных; прыбіральшчыца ў гатэлі, якая прысвячае сваю працу Богу; каталіцкі палітык, які прыносіць сваю веру ў палітычны працэс, - усе яны свецкія апосталы. Магчыма, гэтыя людзі наведваюць касцёл толькі ў нядзелю, але яны практыкуюць сваю веру праз 24 гадзіны 7 дзён у тыдні.

Вера дазваляе ўсім ахрышчаным быць сапраўднымі католікамі. Гэта ідэя зыходзіць з Другога Ватыканскага Сабору і шэрагу касцёльных дакументаў тых часоў. Папа Ян Павел II ў 1988 годзе выдаў эпахальны дакумент пад назвай "Свецкія ўдзельнікі веры Хрыстовай". У дакуменце гаварылася аб свецкай дзейнасці ў імя Касцёла. Гэты ж дакумент заклікае усіх католікаў узяць на сябе адказнасць за жыццё Касцёла. Але яшчэ большы акцэнт кладзецца на тым, што кожны католік павінен быць свецкім апосталам. Кожны Папа, пачынаючы з Другога Ватыканскага Сабору падкрэслівае і спрыяе свецкаму апостальству, заклікаючы ўсіх католікаў унесці свой уклад у тое, каб Хрыстос быў у «свецкіх» месцах, дзе яны жывуць і працуюць.

Маем надзею, што дзіця, якое прыняло сакрамант хросту, стане сапраўдным апосталам свецкіх.

Паводле grodnensis.by
Рыма-каталіцкая парафія Унебаўзяцця Найсвяцейшай Панны Марыі
Адрас для карэспандэнцыі:

вул. Паштовая, д.11,
211287 г. Міёры
Віцебская вобласць
Тэлефон: +375 (2152) 41836
е-mail:
kascelmery@gmail.com
Выкарыстанне матэрыялаў дазваляецца пры ўмове спасылкі (гiперспасылкi) на kascelmery.by