WYSIWYG Web Builder
ЦІКАВА ВЕДАЦЬ
Адпуст — гэта падтрымка, якую можа атрымаць чалавек, сутыкаючыся з наступствамі сваіх грахоў, таму варта карыстацца магчымасцямі, якія дае Касцёл. Насамрэч, іх нашмат больш, чым многім можа здавацца, і адна з іх патрабуе малітвы на працягу літаральна ўсяго некалькіх секунд.
Міжнародная асацыяцыя экзарцыстаў восенню гэтага года выдала кнігу «Змрочнае зачараванне Хэлоўіна». Аўтары папярэджваюць, што гэта не «вясёлае і нявіннае свята», а «насамрэч гэта працяг кельцкага свята Самайн». Святкаванне Самайна прыпадала на ноч з 31 кастрычніка на 1 лістапада.
Вялікі пост – час, калі Касцёл асаблівую ўвагу звяртае на крыж і справу збаўлення, якую здзейсніў на ім Езус Хрыстус. З пятай нядзелі Вялікага посту да вечара Вялікай пятніцы, калі  адбудзецца набажэнства Адарацыі святога Крыжа, ва ўсіх касцёлах крыжы захінаюць фіялетавай тканінай. 
Найбольш эфектыўным сродкам дапамогі для душы ў вызваленні ад пасмяротных караў з’яўляецца Імша-грыгарыянка. Святая Імша грыгарыянская (або грыгарыянка) – гэта назва цыклу 30 святых Імшаў, якія цэлебруюцца ў інтэнцыі адной канкрэтнай памерлай асобы на працягу чарговых 30 дзён (дзень за днём).
Найкаштоўнейшы Божы дар, дадзены чалавеку, — гэта дар жыцця. Аднойчы нарадзіўшыся, чалавек жыве вечна. Бог даў чалавеку магчымасць самому вырашаць, якім будзе гэтае жыццё: вечнай радасцю ў небе ці вечным мучэннем у пекле. Гэтая бязмежная вечнасць залежыць ад кароткага зямнога жыцця. Да апошняга дыхання на зямлі мы выбіраем свой лёс у вечнасці.
Катэхізіс Каталіцкага Касцёла нагадвае нам, што «тыя, хто памёр у ласцы і сяброўстве Божым, але яшчэ не ачышчаныя дасканала, хоць ім ужо забяспечана вечнае збаўленне, пасля смерці церпяць ачышчэнне, каб дасягнуць святасці і ўвайсці ў нябеснае шчасце» (пар. ККК, 1030).
13 лістапада 2022 года парафію Найсвяцейшай Панны Марыі ў Верхнядзвінску наведалі сёстры з Кангрэгацыі Дачок Міласэрнасці святога Вінцэнта дэ Поля (шарыткі) разам з прадстаўнікамі Вінцэнтскай Марыйнай моладзі (Дзеці Марыі), каб расказаць вернікам пра Цудоўны медалік.
7 лістапада 2021 года ў нашай парафіі адбылася сустрэча з сястрой Іераміяй з Кангрэгацыі  Найсвяцейшай Сям'і з Назарэта. Сястра Іерамія расказала пра сваю супольнасць, а таксама пра 11 благаслаўлёных сясцёр мучаніц з Навагрудка, якія былі растраляныя немцамі ў 1943 годзе.
8 верасня 2021 года дзякуючы намаганням пробашча кс.Сяргея Сурыновіча ў Друйскую святыню прыбыў абраз Маці Божай Бялыніцкай, а 10 верасня ў былым бернардынскім кляштары была адкрыта выстава абразоў XVII-ХІХ стагоддзя з касцёлаў Беларусі, што зараз знаходзяцца ў фондах музея старажытнабеларускай культуры Нацыянальнай акадэміі навук.
Адзіны падыход да перакладу Слова Божага
На сённяшні дзень існуе некалькі выданняў Бібліі на беларускай мове. У іх мы можам сустрэць розныя падыходы да перакладу асабістых імён і геаграфічных назваў. Чаму так адбываецца і ці мае гэта прынцыповае значэнне? На гэта і іншыя пытанні адказвае доктар біблійнай тэалогіі пробашч парафіі Найсвяцейшай Тройцы ў Друі ксёндз Сяргей Сурыновіч. (11.05.2021)
21 лютага 2021 года Мёрскі дэканат наведалі студэнты І курса Міждыяцэзіяльнай вышэйшай духоўнай семiнарыі ў Гродна на чале са сваім куратарам ксяндзом Паўлам Эйсмантам. Студэнты акрамя Мёраў пабывалі таксама  ў Дзісне і Ідолце, дзе расказалі пра сваю навучальную ўстанову і спецыфіку яе дзейнасці.
На якой мове размаўляў Езус? Натуральна меркаваць, што на арамейскай, але пытанне не такое простае, як здаецца. У першым стагоддзі ў Палестыне размаўлялі на чатырох мовах: латыні, грэцкай, іўрыце і арамейскай. Пакінем латынь у супакоі, паколькі рымскія ўлады выкарыстоўвалі яе толькі пры вырашэнні палітычных і адміністрацыйных пытанняў.
Рымска-каталіцкая парафія Унебаўзяцця Найсвяцейшай Панны Марыі
Адрас для карэспандэнцыі:

вул. Паштовая, д.11,
211287 г. Міёры
Віцебская вобласць
Тэлефон: +375 (2152) 41836
е-mail:
kascelmery@gmail.com
Выкарыстанне матэрыялаў дазваляецца пры ўмове спасылкі (гiперспасылкi) на kascelmery.by