Дабрачынная акцыя Карытас для людзей з абмежаванымі магчымасцямі ў Мёрах

Парафіяльныя аб'явы Літургічны каляндар Катэхеза Кантакты Відэаматэрыялы

Карытас Віцебскай дыяцэзіі аказаў дапамогу людзям з абмежаванымі магчымасцямі

26 лютага аддзяленне сацыяльнай рэабілітацыі, абіляцыі інвалідаў Міёрскага ТЦСАН наведаў ксёндз канонік Валерый Марціноўскі. Святар даставіў з Віцебска 60 харчовых набораў для наведвальнікаў адзялення. Дабрачынная акцыя прайшла пры падтрымцы Карытас Віцебскай дыяцэзіі.

Як адзначыла загадчык аддзялення сацыяльнай рэабілітацыі, абіляцыі інвалідаў Шульга Таццяна Паўлаўна, харчовыя наборы ад Карытас сталі прыемным сюрпрызам і добрай падтрымкай для людзей з абмежаванымі магчымасцямі. Наборы, якія ўключалі пятнаццаць найменняў харчовых прадуктаў, разнастайныя і ў той жа час збалансаваныя: рыбныя і мясныя кансервы, алей, цукар, гарбата, мука, макароны, крупы – ўсё, што неабходна для паўнавартаснага харчавання.

Акцыя прайла ў рамках праекта Сацыяльны пунк "Лепель", які рэалізуецца пры Карытас Віцебскай дыяцэзіі з 2022 года. Асноўным напрамкам дзейнасці Cацыяльнага пункту з’яўляецца аказанне дапамогі, сацыяльных паслуг і кансультацый для людзей, якія знаходзяцца ў патрэбе. Фінансавую падтрымку ў рэалізацыі праекта ажыццяўляе Карытас Лінц (Аўстрыя).

У ходзе рэалізацыі праекта Карытас аказвае дапамогу найбольш патрабуючым катэгорыям насельніцтва Віцебскай вобласці без уліку іх канфесійнай прыналежнасці: малазабяспечаным і шматдзетным сем'ям, інвалідам і пенсіянерам. Штомесяц каля 150 харчовых набораў дастаўляюцца адрасатам у розныя куточкі вобласці.

З нядаўняга часу каардынатарам праекта Сацыяльны пункт "Лепель" з'яўляецца наш зямляк пробашч парафіі Езуса Міласэрнага ў Віцебску доктар біблійнай тэалогіі ксёндз канонік Валерый Марціноўскі. Менавіта па яго ініцыятыве ўпершыню харчовыя наборы ў рамках праекта былі дастаўленыя ў наш раён.

На завяршэнне сустрэчы, у знак удзячнасці ад наведвальнікаў адзялення, Таццяна Паўлаўна падаравала ксяндзу каноніку Валерыю Марціноўскаму сувенір з выявай міёрскага касцёла.

Жанна Закрэўская, тэкст

Фота супрацоўнікаў аддзялення сацыяльнай рэабілітацыі, абіляцыі інвалідаў Міёрскага ТЦСАН

26.02.2026