Мёрскі касцёл на старых фотаздымках

Парафіяльныя аб'явы Літургічны каляндар Катэхеза Кантакты Відэаматэрыялы

Мёрскі касцёл на старых фотаздымках

Касцёл у Міёрах быў пабудаваны па ініцыятыве ксяндза Юзафа Бародзіча ў 1907 годзе. Велічная і прыгожая святыня на беразе возера была ўзведзена за адзін год. Як выглядала святыня ў розныя часы можна меркаваць па старых фотаздымках.

У 19 нумары дадатку "Życie ilustrowane" да штотыднёвіка «Kurier Litewski» за 1907 год размешчаны шэраг фотаздымкаў мёрскай святыні, плябаніі і парафіяльнага дома. Вядома, што фотаздымкі ў выданні больш чым стогадовай даўнасці маюць не вельмі добрую якасць, але ўсё ж дазваляюць зрабіць агульнае ўяўленне аб стане святыні і іншых пабудоў. У нашага парафіяніна, спадара Дзмітрыя, узнікла ідэя рэканструяваць старыя фотаздымкі.

Рэканструкцыя — гэта працэс аднаўлення, адбудовы раней існуючага, аднак згубленага ці знішчанага будынка ці твору мастацтва. У цяперашні час існуе шмат праграм, у тым ліку з выкарыстаннем штучнага інтэлекту, якія дазваляюць зрабіць рэканструкцыю фотаздымкаў. Рэканструкцыя — не толькі сам працэс, але і яго вынік. Пры рэканструкцыі важна арыентавацца на фрагменты, якія захаваліся, крыніцы ці некаторыя прыкметы. На падставе колькасці і якасці крыніц рэканструкцыя мае пэўную ступень гіпатэтычнасці.

Дапамогу ў рэканструкцыі фотаздымкаў аказаў пан Dariusz Zajdel з Польшчы. Што атрымалася ў выніку працы можна ўбачыць ніжэй.

Першы фотаздымак адлюстроўвае будаўніцтва святыні і паромную пераправу праз возера. На фотаздымку бачна, што вежаў яшчэ няма і будаўніцтва не завершана.