30 ліпеня а 13-ай гадзіне на могілках у вёсцы Латышкі Перабродскага сельсавета адбылася святая Імша. Традыцыя супольнай малітвы за памерлых у апошнюю суботу ліпеня існуе больш 35-ці гадоў. Вёска Латышкі, якая раней налічвала 48 дамоў, зараз не мае жыхароў, аднак родныя і блізкія тых, хто пахаваныя на могілках, сабраліся разам, каб не толькі прыбраць магілы, але супольна са святаром памаліцца за душы спачылых.
