Рымска-каталіцкая парафія Унебаўзяцця Найсвяцейшай Панны Марыі ў Міёрах
Парафіяльныя аб'явы Літургічны каляндар Катэхеза Кантакты Відэаматэрыялы
Святы Айцец заклікае навучыцца маліцца Божым словам
Папская cусветная сетка малітвы апублікавала відэаролік, прысвечаны тэме малітоўнай інтэнцыі Святога Айца на першы месяц 2026 года. У студзені Пантыфік заахвочвае навучыцца маліцца Божым словам.
“Молімся, каб малітва Божым словам стала хлебам нашага жыцця і крыніцай надзеі ў нашых супольнасцях, дапамагаючы нам будаваць больш братэрскі і місійны Касцёл” — так гучыць папская інтэнцыя.

У відэароліку Леў XIV заахвочвае вернікаў ва ўсім свеце маліцца разам з ім. Ён звяртаецца да Хрыста са словамі малітвы, нагадваючы, што сэрца чалавека жыве ў неспакоі, прагне сэнсу, і толькі Яго Евангелле можа даць яму спакой і паўнату.

“Навучы нас кожнага дня слухаць Цябе ў Святым Пісанні, дазваляць Твайму голасу ўзрушваць нас, распазнаваць нашы рашэнні ў блізкасці да Твайго Сэрца. Няхай Тваё Слова будзе пажывай у час стомленасці, надзеяй у цемры і сілай у нашых супольнасцях”, — кажа Папа.

Пантыфік просіць Хрыста зрабіць так, каб Яго слова – слова, якое робіць нас дзецьмі і братамі, вучнямі і місіянерамі Божага Валадарства — ніколі не знікала з сэрцаў і вуснаў Яго вучняў.

“Зрабі нас Касцёлам, які моліцца Божым Словам, які будуецца на ім і дзеліцца ім з радасцю, каб у кожным чалавеку зноў нараджалася надзея на новы свет. Няхай наша вера ўзрастае ў сустрэчы з Табой праз Тваё Слова, натхняючы нас ад усяго сэрца выходзіць насустрач іншым, служыць найбольш уразлівым, прабачаць, будаваць масты і абвяшчаць жыццё”, — пажадаў Святы Айцец.

Аляксандр Панчанка - Vatican News
Рымска-каталіцкая парафія Унебаўзяцця Найсвяцейшай Панны Марыі
Адрас для карэспандэнцыі:

вул. Паштовая, д.11,
211287 г. Міёры
Віцебская вобласць
Тэлефон: +375 (2152) 41836
е-mail:kascelmery@gmail.com
Выкарыстанне матэрыялаў дазваляецца пры ўмове спасылкі (гiперспасылкi) на kascelmery.by