Дзеці і моладзь прынялі ўдзел у добраўпарадкаванні старых парафіяльных могілак
26 кастрычніка а 14-ай гадзіне дзеці і моладзь, а таксама некаторыя бацькі і старэйшыя парафіяне, сабраліся на могілках, каб навесці там парадак напярэдадні актавы Усіх Святых. Спраў было вельмі шмат, аднак усе разам хутка прыбралі апалае лісце, быльнёг і сухія галіны.
Агульная справа стала своеасаблівай катэхезай для маладога пакалення.

Псіхолагі сцвярджаюць, што дзеці, звычайна, не чуюць сваіх бацькоў і выхавальнікаў, але бачаць іх. Інакш кажучы, колькі б мы аб нечым не казалі, у тым ліку пра Пана Бога, дзеці і моладзь могуць нас ніколі не пачуюць, калі не ўбачаць пацвярджэнне нашых слоў праз учынкі. Таму святары нашай парафіі вырашылі не расказваць тэорыю аб неабходнасці шанавання памяці пра памерлых, а праз канкрэтныя ўчынкі паказаць важнасць гэтай справы.
Асноўнымі аб'ектамі клопату сталі магіла ксяндза Яна Грабоўскага, пахаванне польскіх салдат, ахвяраў вайны 1920 года, а таксама магілы, за якімі няма каму даглядаць. Дзеці і моладзь працавалі вельмі старанна, бо бачылі, што побач шчыруюць іх бацькі і святары.

Завяршылася праца супольнай малітвай. Сабраўшыся ля магілы ксяндза Яна Грабоўскага, памаліліся Ружанец за памерлых святароў, які працавалі ў нашай парафіі, а таксама за ўсіх родных і блізкіх, якія адышлі ў вечнасць.
Акцыя па добраўпарадкаванні могілак паказала, што нашы дзеці могуць і ўмеюць працаваць і маліцца. Трэба толькі часцей даваць ім такую магчымасць і, праз уласны прыклад, заахвочваць да іншых карысных спраў.

Жанна Закрэўская, тэкст

Фота ўдзельнікаў акцыі
Рыма-каталіцкая парафія Унебаўзяцця Найсвяцейшай Панны Марыі
Адрас для карэспандэнцыі:

вул. Паштовая, д.11,
211287 г. Міёры
Віцебская вобласць
Тэлефон: +375 (2152) 41836
е-mail:
kascelmery@gmail.com
Выкарыстанне матэрыялаў дазваляецца пры ўмове спасылкі (гiперспасылкi) на kascelmery.by