Традыцыйна ламанне і дзяленне аплаткам адбываецца падчас вігілійнай вячэры ў сем'ях або напярэдадні, пры правядзенні рэлігійных сустрэч. Для нашых міністрантаў час перад Божым Нараджэннем быў вельмі напружаны. Яны адказна рыхтаваліся да ўрачыстасці, каб падчас святочнай Літургіі ўсё было прыгожа і зладжана, таму ламанне аплаткам і адбылося пазней.
Сустрэча распачалася супольнай малітвай, якую правёў вікарый кс.Алег Зямчонак. Потым хлопцы дзяліліся аплаткам са святаром і паміж сабой, складаючы найлепшыя святочныя пажаданні адзін аднаму.
