Падчас гаміліі ксёндз-вікарый Аляксандр звярнуў увагу дзяцей і ўсіх прысутных, на важнасць сакраманту Эўхарыстыі. "...Як вітаміны ўмацоўваць і захоўваюць наш арганізм ад хвароб, так Эўхарыстыя ўмацоўвае нашу душу ад граху. Імкніцеся захаваць вашыя сэрцы чыстымі, каб вы маглі заўсёды прыняць Езуса".
На завяршэнне святой Імшы ксёндз-пробашч Андрэй Кулік падзякваў катэхетцы спадарыні Наталлі Гарноўскай за падрыхтоўку дзяцей да Першай Камуніі, а таксама павіншаваў дзяцей і бацькоў з гэтай урачыстай падзеяй. Святар заахвоціў дзяцей прыходзіць на працягу "белага тыдня" ў касцёл і прымаць удзел у маёвых і чэрвеньскіх набажэнствах. Ксёндз Андрэй выказаў надзею, што дзеці і іх бацькі "не знікнуць", пасля ўрачыстасці, а стануць сапраўднымі членамі супольнасці Касцёла.
У сваю чаргу бацькі выказалі словы ўдзячнасці святарам і катэхетцы за падрыхтоўку да Першай Святой Камуніі. Завяршылася ўрачыстасць супольным фотаздымкам.
