Праграма
2 жніўня (нядзеля)
12.00 — святая Імша з удзелам біскупа Віцебскага Алега Буткевіча.
14.00 — адкрыццё пленэру.
3 жніўня (панядзелак)
19.00 — Калыханка – гэта мы.
Вядучая – Вольга Шчукіна, сцэнарыст Белтэлерадыёкампаніі.
Беларус беларуса пазнае паўсюль. І не толькі мова, акцэнт, ці знакамітая памяркоўнасць нас выдае. Ёсць асаблівыя “зачэпачкі”: слоўцы, прыказкі, творы, гульні, песні, звычкі, – толькі нашы, з імі мы разам раслі. Адна з такіх – “Калыханка”. Першыя ж акорды яе песенькі – і мы ўжо адчуваем роднасць.
Вы даведаецеся:
– з чаго ўсё пачыналася;
– хто што ствараў;
– калі і як з’явіліся любімыя ўсімі героі;
– як “Калыханка” мянялася праз гады;
– ну і вясёлыя гісторыі са здымачнай пляцоўкі таксама будуць.
А яшчэ мы разам паспрабуем не толькі прыдумаць невялічкі сцэнарны фрагмент “Калыханкі”, але і інсцэніраваць яго па ўсіх правілах калыханачнай “кухні”.
4 жніўня (аўторак)
19.00 — Дзікі край, але прыгожы.
Аўтарскі праект пісьменніка і краязнаўцы Франца Сіўко, аўтара кніг “Што раньш было” і “Фабрыка Міжрэчча. Ад паперні да вадаспада”, якія маюцца ў бібліятэках Мёрскага раёна і ў электроннай версіі – на сайце Мёрскай бібліятэкі.
Першая частка.
Экскурс у перыпетыі пабудовы ў 1-й палове 1930-х гг. на сутыку трох дзяржаваў (Латвіі, Польшчы, СССР) каталіцкай святыні – капліцы св. Яна Хрысціцеля ў Вяце – помніка народнага дойлідства.
Другая частка.
“Фабрыка Міжрэчча. Ад паперні да вадаспада”. Азнаямленне з гісторыяй і акалічнасцямі бытавання даўнейшага гідратэхнічнага аб’екта рэгіёна – прадпрыемства па вытворчасці дрэўнай масы (пазней – млына, гідраэлектрастанцыі) у фабрычнай асадзе Міжрэчча, рэшта якога сёння вядомая пад назваю Міжрэчанскага вадаспада.
5 жніўня (серада)
19.00 — тэатральная вечарына «Унутры мяне калейдаскоп».
Дзея першая.
Прэзентацыя кнігі “10 пытанняў пра тэатр” пісьменніцы Алены Мальчэўскай і мастака Маі Пейхвасэр.
Вясёлы антракт.
Дзея другая.
Аўтарскае чытанне фрагмента п'есы Алёны Іванюшанка "Тело времени".
6 жніўня (чацвер)
19.00 — літаратурны вечар “Казкі родам з Мілашова”.
Казка першая.
Пісьменніца-казачніца Алена Масла разам з гледачамі-слухачамі здзейсніць вандроўку па свеце сваіх казак і абавязкова раскажа, у якіх яе казках дзеянні адбываюцца на прасторах ад Друі да Мёраў, якія казачныя героі і па сёння жывуць у Мілашове.
Казка другая.
Наталля Бучынская, пісьменніца-казачніца, родная сястра Алены Масла, працягне гэтую казачную тэму.
Казка трэцяя: мульцікі.
Прагляд мультфільмаў “Лагодны воўк” і “Прыгажун і пачвара”, знятыя на “Беларусьфільме” па казках Алены Масла.
8 жніўня (субота)
17.00 — “Літаратура памежжа: помнікі і асобы”
Першая частка.
Пра Друйскае Евангелле як выдатны беларускі пісьмовы помнік і твор мастацтва распавядзе кнігазнаўца Таццяна Сапега, Ганна Маслякова, рэдактар "Радыё Марыя Беларусь".
Другая частка.
З постацямі пісьменнікаў-землякоў Ільдэфонсам Бобічам (Пётрам Простым) і Рышардам Курыльчыкам пазнаёміць літаратуразнаўца Алена Карп, старэйшы навуковы супрацоўнік аддзела тэорыі і гісторыі літаратуры Інстытута літаратуразнаўства імя Янкі Купалы НАН Беларусі, кандыдыт філалагічных навук.
9 жніўня (нядзеля)
8.00 — святая Імша
9.30 — вернісаж «Друя — месца спаткання гісторыі і мастацтва». Закрыццё пленэру
