Ружанцовая малітва для дзяцей і моладзі

Парафіяльныя аб'явы Літургічны каляндар Катэхеза Кантакты Відэаматэрыялы

Ружанцовая малітва для дзяцей і моладзі

У традыцыі Касцёла месяц кастрычнік асаблівым чынам прысвечаны ружанцовай малітве. З гэтай нагоды ў суботу дзеці і моладзь нашай парафіі сабраліся разам у святыні на супольную малітву, каб праславіць Маці Божую і выпрасіць неабходныя ласкі.

На ружанцовую сустрэчу прыйшлі міністранты і дзеці, якія наведваюць катэхетычныя заняткі. Яны прынеслі з сабой пацеркі, якія зрабілі дома самастойна ці разам з бацькамі. Гэтыя пацеркі дзеці прымацавалі на вялізнае сэрца побач з фігурай Маці Божай, тым самым дапоўніўшы адмысловую дэкарацыю на месяц кастрычнік.

На пачатку набажэнства ксёндз Алег Зямчонак коратка ўзгадаў гісторыю з'яўлення Ружанца, падкрэсліўшы вялікую ролю гэтай цудоўнай малітвы, аб чым сведчаць шматлікія аб'яўленні Маці Божай у Люрдзе і Фаціме. Святар заахвоціў дзяцей палюбіць Ружанец і маліцца на пацерках як мага часцей.

Затым адбылася супольная малітва перад Найсвяцейшым Сакрамантам. Дзеці па чарзе спявалі або адгаворвалі Радасныя таямніцы Ружанца, разважаючы ў сэрцы над іх зместам.

Нагадваем, што Ружанец для дзяцей адбываецца кожную нядзелю ў 9.30 на працягу ўсяго літургічнага года, акрамя перыяду Вялікага посту, а ў кастрычніку — кожную суботу а 15-ай гадзіне. Заахвочваем дзяцей і дарослых да супольнай ружанцовай малітвы.

Жанна Закрэўская, тэкст

Фота ўдзельнікаў малітоўнай сустрэчы