WYSIWYG Web Builder
Рымска-каталіцкая парафія Унебаўзяцця Найсвяцейшай Панны Марыі ў Міёрах
Парафіяльныя аб'явы Літургічны каляндар Катэхеза Кантакты Відэаматэрыялы
Напярэдадні нядзелі Добрага Пастыра ў нашай святыні ўсталяваны вітраж цара Давіда
Цар Давід — другі цар народа Ізраэля, які быў не толькі ўмелым кіраўніком, але моцна любіў Бога і праслаўляў Яго сваімі спевамі. Кароль Ізраэля з'яўляецца аўтарам шэрагу псальмаў, ён граў на розных музычных інструментах, але найчасцей яго адлюстроўваюць з арфай у руках.
"Dominus regit me, et nihil mihi deerit" ("Пан — пастыр мой, ні ў чым не буду мець нястачы") — гэтыя словы рэспансарыйнага псальма (Пс 23 (22), 1) літургіі Чацвёртай Велікоднай нядзелі, якія характарызуюць яе сэнс як нядзелі Добрага пастыра, адлюстраваныя на вітражы.
Згодна з задумай, на вокнах з правага боку ад прэзбітэрыя плануецца змясціць вітражы з персанажамі Старога Запавету. Першай такой постаццю стаў цар Давід, які быў таленавітым музыкантам і склаў шмат псальмаў, што праслаўляюць Бога.

Вітраж караля Давіда — гэта чарговая праца мастака Уладзіміра Кандрусевіча і майстра Максіма Свістунова, якая спалучае аўтарскі падыход і традыцыйныя каноны ў адлюстраванні бібліных асоб. Так дрэва ўверсе вітража з'яўляецца сімвалам паходжання Хрыста з роду Давіда, ягня ля ног караля, якія топчуць тыгра, нагадваюць пра тое, што спачатку ён быў пастухом.
Вітраж усталяваны на ахвяраванні вернікаў і з'яўляецца сапраўдным творам мастацтва. Праца па вырабу вітражоў працягваецца. Ахвотныя парафіяне і дабрадзеі могуць зрабіць свой унёсак у рэалізацыю праекта.

Жанна Закрэўская, тэкст
Максім Свістуноў, фота

25.04.2026
Рымска-каталіцкая парафія Унебаўзяцця Найсвяцейшай Панны Марыі
Адрас для карэспандэнцыі:

вул. Паштовая, д.11,
211287 г. Міёры
Віцебская вобласць
Тэлефон: +375 (2152) 41836
е-mail:kascelmery@gmail.com
Выкарыстанне матэрыялаў дазваляецца пры ўмове спасылкі (гiперспасылкi) на kascelmery.by