Што ўзяць у пілігрымку?
Малітоўнік і ружанец — гэта асноўныя атрыбуты пілігрыма, бо пілігрымка — гэта найперш малітва.
Трэба падрыхтаваць адпаведнае адзенне і абутак. Варта ўлічваць, што надвор'е можа быць розным, таму абавякова неабходна ўзяць цёплыя рэчы. Як апранацца? Наша адзенне павінна быць зручным і сціплым. Не варта апранаць адкрытыя майкі і шорты, па-першае не да месца, а па-другое, знаходзячыся цэлы дзень у дарозе на сонцы, можна атрымаць апёкі. Абавязкова трэба ўзяць галаўны ўбор. Абутак можа быць любы, галоўнае зручны, каб не з'явіліся мазалі падчас дарогі. Паклапаціцеся таксама пра зменны, на выпадак дажджу і непрадбачлівых сітуацый.
З сабой лепш ўзяць дажджавік, а не парасон, бо ён лёгкі, займае мала месца, можа быць карысным у халоднае ветранае надвор'е.
Як і ў любое падарожжа, у пілігрымку неабодна ўзяць сродкі асабістай гігіены і лекі, асабліва тым, хто мае хранічныя захворванні.
Практыка паказвае, што з сабой лепш узяць свой пластыкавы або металічны посуд (кубак, глыбокая талерка і лыжка). Дамоўленасць на забеспячэнне абедаў для пілігрымаў "Мёры-Будслаў" ёсць, аднак часам бывае больш зручна скарыстацца ўласным посудам.
Што класці ў заплечнік штодня? Большасць з узгаданага вышэй, а таксама бутэльку з чыстай вадой, яна лепш наталяе смагу, чым салодкія напоі. Перакус, на ўсялякі выпадак, (сухое пячэнне, арэхі, садавіну, бутэрброды і інш.) з улікам надвор'я, каб не сапсавалася. Іншыя неабходныя рэчы, але памятайце, што вам іх трэба несці ўвесь шлях.
