WYSIWYG Web Builder
Рымска-каталіцкая парафія Унебаўзяцця Найсвяцейшай Панны Марыі ў Міёрах
Парафіяльныя аб'явы Літургічны каляндар Катэхеза Відэаматэрыялы Кантакты
Святы ад болю ў горле
Раз на год падчас Эўхарыстыі адбываецца адзін з самых цікавых абрадаў. Пасля заключнай малітвы святар запальвае 2 спецыяльныя свечкі. Затым рыхтуе вернікаў да ўдзелу ў адмысловым бласлаўленні, прамаўляючы: “Папросім Бога, які з’яўляецца крыніцай жыцця, аб здароўі горла і правільным выкарыстанні дару мовы, каб мы маглі прымяняць яго на хвалу Божую і на карысць людзям”.
Пан — маё святло і маё збаўленне
У свята Ахвяравання Пана ва ўсіх касцёлах праходзяць святочныя набажэнствы, на пачатку якіх адбываецца бласлаўленне свечак. Свечка — сімвал Хрыста, які прынёс святло вечнай Праўды ўсім народам. Cвяты Евангеліст Ян падкрэслівае: Хрыстус — гэта Святло праўдзівае, што асвятляе кожнага чалавека, які прыходзіць на свет.
Свята Ахвяравання Пана
На саракавы дзень пасля Божага Нараджэння, 2 лютага, Касцёл адзначае свята Ахвяравання Пана, якое было вядома ў хрысціянстве як мінімум з IV стагоддзя. Варыянты яго грэцкіх назваў – Hypapante і Heorte tou Katharismou, перакладаюцца як свята сустрэчы або ачышчэння.
Маладыя і адукаваныя: партрэт новага пакалення манахаў
2 лютага Касцёл адзначае Сусветны дзень кансэкраванага жыцця. Манаскія асобы паказваюць Божае запрашэнне любіць Яго ўсім жыццём на зямлі, – заявіў арцыбіскуп Рональд Хікс, прадстаўляючы справаздачу наконт манаскіх асоб, якія склалі вечныя абяцанні у ЗША ў мінулым 2025 годзе.
Навошта чытаць Святое Пісанне?
У ІІІ звычайную нядзелю (у гэтым годзе яна прыпадае на 25 студзеня) у Каталіцкім Касцёле адзначацца Нядзеля Божага Слова, якую ўстанавіў Папа Францішак. Святы Айцец Леў XIV у сваёй малітоўнай інтэнцыі на студзень заахвочвае навучыцца маліцца Божым словам.
24 студзеня — упамін св. Францішка Сальскага, заступніка каталіцкіх сродкаў масавай камунікацыі
24 студзеня літургічны ўспамін святога Францішка Сальскага, біскупа Жэневы, доктара Касцёла, заснавальніка жаночай кангрэгацыі Адведзінаў Найсвяцейшай Панны Марыі. Святы Францішак з'яўляецца апекуном каталіцкай прэсы.
Рэгент Апостальскай пэнітэнцыярыі: адпуст – не фармальнасць
Апостальская пэнітэнцыярыя выдала дэкрэт, які дае вернікам поўны адпуст на працягу Года святога Францішка, што адзначаецца з нагоды 800-годдзя смерці святога з Асізі. Пра галоўныя пункты дакумента распавёў рэгент Апостальскай пэнітэнцыярыі біскуп Кшыштаф Нікель.
Віцебская дыяцэзія: распачынаецца падрыхтоўка да VIII Дыяцэзіяльнага конкурсу на веданне Святога Пісання
Катэхетычны аддзел Віцебскай дыяцэзіі сардэчна запрашае да ўдзелу ў VIII Дыяцэзіяльным конкурсе на веданне Святога Пісання дзяцей і дарослых з каталіцкіх парафій Мінска-Магілёўскай архідыяцэзіі, Віцебскай, Гродзенскай і Пінскай дыяцэзій.
Святы Пасад: поўны адпуст у 800-годдзе смерці святога Францішка
Апостальская пэнітэнцыярыя ўдзяляе поўны адпуст з нагоды Года святога Францішка. Ён праходзіць у Касцёле з 10 студзеня 2026 года да 10 студзеня 2027 года і прымеркаваны да 800-й гадавіны смерці Асізскага Бедняка.
Святы Айцец заклікае навучыцца маліцца Божым словам
Папская cусветная сетка малітвы апублікавала відэаролік, прысвечаны тэме малітоўнай інтэнцыі Святога Айца на першы месяц 2026 года. У студзені Пантыфік заахвочвае навучыцца маліцца Божым словам.
Нядзеля Хросту Пана завяршае перыяд Божага Нараджэння
11 студзеня Каталіцкі Касцёл адзначае свята Хросту Пана. Яно завяршае перыяд Божага Нараджэння, хоць у традыцыі яшчэ да 2 лютага спяваюцца калядкі і не разбіраюцца стаенкі. Свята Хросту Пана ў літургіі адзначаецца ў першую нядзелю пасля ўрачыстасці Аб’яўлення Пана.
Што такое душпастырскае наведванне сем’яў, або «каляда»?
Пасля Божага Нараджэння пачынаецца час душпастырскага наведвання святарамі сваіх парафіянаў па месцах іх жыхарства. Такое наведванне яшчэ называюць «калядою», паколькі яно нагадвае даўнейшае калядаванне, калі ў перыяд Божага Нараджэння дамы вернікаў наведвалі групы людзей з малітваю і спевамі.
Урачыстасць Аб'яўлення Пана
6 студзеня Касцёл адзначае ўрачыстасць Аб’яўлення Пана. У гэты дзень успамінаем пакланенне мудрацоў з усходу, што прынеслі Дзіцятку Езусу свае дары: золата, ладан і смірну. Касцёльная традыцыя называе гэтых мудрацоў таксама каралямі (адсюль іншая назва свята — Тры Каралі), а іх пакланенне сімвалізуе пачатак Божага Аб’яўлення язычніцкім народам, прадстаўнікамі якіх яны былі.
У Міёрах прайшоў чарговы фестываль каляднай песні “Зорка Бэтлеема”
3 студзеня ў Цэнтры культуры і народнай творчасці адбыўся дыяцэзіяльны фестываль каляднай песні "Зорка Бэтлеема". Мёрская парафія Унебаўзяцця Найсвяцейшай Панны Марыі ў чарговы раз гасцінна сабрала разам дзяцей і моладзь, каб праславіць нованароджанага Збаўцу сваім талентам.                                                                                             
Урачыстасць Святой Багародзіцы Марыі
Першага студзеня ў апошні дзень актавы ўрачыстасці Божага Нараджэння Касцёл адзначае ўрачыстасць Багародзіцы Марыі. Эфескі сабор у 431 годзе абвясціў, што Дзеву Марыю можна і нават належыць называць Багародзіцай. Такая была рэакцыя Касцёла на погляды, што Хрыстус не з’яўляецца адначасова Богам і Чалавекам.
Рымска-каталіцкая парафія Унебаўзяцця Найсвяцейшай Панны Марыі
Адрас для карэспандэнцыі:

вул. Паштовая, д.11,
211287 г. Міёры
Віцебская вобласць
Тэлефон: +375 (2152) 41836
е-mail:kascelmery@gmail.com
Выкарыстанне матэрыялаў дазваляецца пры ўмове спасылкі (гiперспасылкi) на kascelmery.by