Памяці святара
9 лістапада 2020 года перастала біцца сэрца ксяндза Леаніда Мозгеля. Святара, які паходзіў з Гродзенскай дыяцэзіі, аднак душпастырскі шлях якога цесна звязаны з нашай мясцовасцю. У Мёрах 12 лістапада 2002 года ён атрымаў дыяканскія пасвячэнні з рук Яго Эксцэленцыі біскупа Уладзіслава Бліна. А затым, пасля працы ў парафіях у Ветрыне, Фарынаве, Блізніцы, Бягомлі, з 2005 па 2019 гг. аказваў душпастырскую паслугу ў парафіі Маці Божай Фацімскай у Павяцці. У 2018-2019 гг. быў таксама пробашчам у Ідолце. Ксёндз Леанід часта наведваў і нашу святыню. Пры неабходнасці аказваў дапамогу святарам: цэлебраваў святую Імшу, служыў у канфесіянале. У 2006 годзе ўзначаліў пілігрымку "Мёры-Будслаў". Ксёндз Леанід застаўся ў памяці вернікаў як чулы, сціплы, самааданы святар, які прысвяціў сваё жыццё Богу і людзям.
8.11.2021
